القائمة الرئيسية

الصفحات

اخر المواضيع

فيروس كورونا

فيروس كورونا والكمامات
فيروس كورونا

كمامة يافندم جوانتي يابيه

وبخة كحول ورشة كلور.

كورونا بيمسي على الواد اسماعيل 

بيعطس في وش سراج بن اخوه .


كمامة يافندم جوانتي يابيه

هتقعد مفخد على النت تلاقيه

 بيخلص قبل ما يخلص فيشارك.

وعقم ياباشا هتاكل  البغاشة 

وتملا الفلاشة بافلام انما ايه.

تضيع لوقتك وماتذكر ف ربك

وتنسى الكورونا سببها  كان ايه.

كورونا دى ذكري لمن كان يعقل

كورونا دي جايه تقول لك تفكر

تفكر في ربك تفكر في اجلك 

ده عمرك بيجري وممكن تولي

عشية وضحاها تلاقي النهاية

وبعد النهاية بتبدا حياة

لإما لجنة وفرحة تدوم

لإما جهنم وفين الفرار

ده بئس القرار.

تذكر ياآكل لمال اليتيم 

ده بعد الكورونا تلاقي السعير.


كمامة يافندم جوانتي يابيه

وبخة كحول ورشة كلور.

كورونا بيمسي على ام ابتسام

بيقول لك ياحجة بلاش الكلام

على الست جارتك ونمك

 وغيبتك كأنك بتاكلي في جيفة تمام.

كورونا بيقول لك يا عبده سبرتو

خلطت المثيلى وبعته الايثيلى وقاعد مزقطط.

نسيت ان ربك ده قادر كبير

وممكن في لحظة برشة مثيلى 

يولع في جلدك وتفضل مولع ليوم القيامة .


كورونا ياهانم كورونا يابيه

هنغسل ايدينا بميه وصابون

ونغسل في زورنا بخل وليمون

ونغسل قلوبنا بذكر  وصلاة  .

لعل اللى باقي يعدي المهالك

ونرجع نبارك بتوبة عباده

عباده اللي فارق صلاة الجماعة

عباده اللي سارق عباده اللي شارب

عباده اللي آكل  لقوت الغلابه.

هيرجع عباده ونرجع 

نقول له طريق السلامة

كمامة يافندم كمامة يابيه

كورونا ياهانم كوفيد يبقي ايه.

هل اعجبك الموضوع :

تعليقات

تعليقان (2)
إرسال تعليق
  1. غير معرف4/02/2020

    كلمات معبره جدا

    ردحذف
  2. غير معرف6/05/2020

    كلام جمييل و بيلامس القلب

    اسلوبك رائع استمر

    ردحذف

إرسال تعليق